Drejtori sportiv i Paris Saint-Germain, Leonardo, është kthyer të flasë për çështjen Neymar.
“Nuk është e vërtetë se është lënë jashtë ekipit. Po ndjek një program të personalizuar për të rikuperuar formën. Është një futbollist i yni, ka akoma edhe tre vite kontratë dhe kjo nuk duhet harruar”, ka thënë braziliani për RMC Sport.
Ish-drejtuesi i Milan-it ka folur edhe për koret fyese që tifozët e PSG-së i kanë drejtuar lojtarit me rastin e ndeshjes së parë të Ligue 1:
“Neymar ka bërë disa gabime. Para se ta takoja këtu, nuk e njihja, por kam filluar ta bëj dhe mund të them se është një djalosh i mirë dhe një futbollist i jashtëzakonshëm”.
Për merkaton: “Siç e dini, po zhvillohen disa diskutime në lidhje me të ardhmen, por nuk ka asgjë në fazë të avancuar”.
