Një sipërfaqe prej 15 ha me dushk dhe pisha në fshatin Boshanj të Kolonjës, është përfshirë nga flakët.
Një pjesë e konsiderueshme e pyllit mbi fshat po digjet me shpejtësi, favorizuar kjo edhe nga temperaturat e larta, ndërsa vatrat e zjarrit janë ende aktive.
Deri më tani raportohet për shtatë vatra zjarri, ndërsa është shumë e vështirë ndërhyrja e zjarrfikëseve për shuarjen e flakëve, për shkak të terrenit të thyer.
Policia ka nisur hetimet për zjarrvënie të qëllimshme sepse dyshohet se banorët e zonës kanë nisur të pastrojnë ose të hapin toka të reja në pyll.
