Policia Rrugore e Durrësit ka arrestuar në kushtet e flagrancës 9 drejtues automjetesh, 5 prej të cilëve ishin në gjendje të dehur.
Ndërkohë 4 të tjerët drejtonin mjetin pa pasur leje drejtimi.
Policia beri të ditur se janë marrë gjithsej 1021 masa administrative nga të cilat:
-Janë pezulluar 15 leje drejtimi, për drejtim të automjetit nën ndikimin e pijeve alkoolike.
-Janë marrë 56 masa administrative për tejkalim të normave të shpejtësisë.
-Janë marrë 43 masa administrative për mospërdorim të rripit të sigurimit.
-Janë marrë 356 masa administrative për parakalim të gabuar.
-Janë marrë 341 masa administrative për përdorimin e aparatit celular gjatë drejtimit të mjetit.
Edhe në ditët në vijim do të intensifikohet puna me qëllim rritjen e sigurisë rrugore si dhe këshillimin dhe ndëshkimin e atyre drejtuesve që nuk respektojnë rregullat e Qarkullimit Rrugor.
