Qytetarët shkodranë prej disa ditësh protestojnë dhë kërkojnë ndihmën e ndërkombëtarëve për të mos lejuar rilindasin Valdrin Pjetri, që të drejtojë Bashkinë e Shkodrës për shkak të të shkuar së tij kriminale.
Edhe mëngjesin e sotëm me pankarta në duar, qytetarët shkodranë kanë dalë sërish në protestë para bashkisë.
Pjetri pak ditë më pare ka postuar edhe dokumente zyrtare që e lirojnë nga cdo akuzë, por PD ka vijuar akuzat duke deklaruar se disponon dosjen e plotë të Valdrin Pjetrit në Itali.
Kjo formë reagimi e shkodranëve nuk ishte parë më parë në Shkodër por tregon se tashme beteja për të mos lëshuar Shkodrën nuk do të jete e lehtë.
Këto pankarta janë vendosur pranë makinave të parkuara në rrugët kryesore të qytetit duke i ofruar këtë pamje në këtë mëngjes Shkodrës, ku në fletushkat e printuara është momenti i votimit të Valdrin Pjetrit në 30 Qershor, logo e PS me simbolin e kanabisit dhe kangjellat e burgut mbi të cilat tashmë vijojnë akuzat e Partisë Demokratike ndaj Valdrin Pjetrit.
