Një person është plagosur me thikë në lagjen Mark Lula në Shkodër. Mësohet se i plagosur ka mbetur Vat Shpati, 38-vjeç.
Burime bëjnë me dije se Shpati është plagosur nga dy vëllezër, Aleks dhe Luigj Martini. Policia është vënë në ndjekje të tyre, ndërkohë që i plagosuri është dërguar në spital ku po merr edhe ndihmën e parë mjekësore.
“Në lagjen ‘Mark Lula’ Shkodër, pas një konflikti të çastit për motive të dobëta, është plagosur me thikë shtetasi V.Sh, 38 vjeç banues në Shkodër, i cili ndodhet në Spitalin Rajonal Shkodër, për ndihmë mjekësorë. Grupi hetimor ka bërë identifikimin dhe shpalljen në kërkim të autorëve të dyshuar, dy vëllezërit A. M. dhe L. M., banues në Shkodër dhe po punohet intensivisht për kapjen e tyre. Vijon puna për sqarimin e rrethanave të kësaj ngjarje”, thuhet në njoftimin paraprak të policisë.
Më herër gjatë kësaj të hëne, në Rrëshen u ekzekutua me armë zjarri Armando Gjini, ndërsa në Fier u vra me thikë Florian Selimi.
