Florian Selimi është 23-vjeçari, i cili mbeti i vrarë me thikë mëngjesin e sotëm në Fier, për tu gjetur i hedhur në një kanal.
Viktima me origjinë nga Tropoja, prej disa vitesh jetonte në Fier.
Dyshimet e para janë se i riu është konfliktuar fizikisht me një person tjetër, ndërkohë që ka ndërruar jetë si pasojë e plagës së marrë nga goditja e thikës.
Aktualisht grupi hetimor po punon për zbardhjen dhe dokumentimin e kësaj ngjarje, me synim identifikimin dhe kapjen e autorit të dyshuar për krimin.
