Kreu i opozitës, Lulzim Basha ka publikuar një video në Facebook ku përmend disa raste sesi kryeministri Rama abuzon me fondet publike. Në një fragment të videos shkruhet se vetëm me zyrat në kryeministri janë shpenzuar 5.5 milionë dhe 14.3 milionë euro janë kontrata sekretet pa garë.
“Pasuri dhe Luks për vete, Papunësi, Varfëri Padrejtësi dhe Pasiguri për njerëzit.
Hajduti Psiqik dhunon dhe gjobit sipërmarrjet e vogla që mezi mbajnë me bukë shumicën e familjeve shqiptare! Me paratë e grabitura atyre financohen lluksi dhe qejfet e Hajdutit Psiqik dhe klientëve të tij.
Ja si harxhon miliona euro të shqiptarëve për lluksin e tij dhe kontrata “sekrete” për miqtë dhe familjarët e tij Hajduti Psiqik:” – shkrimi që Basha shoqëron videon në Facebook.
