Ata që do të pijnë cigare në makinë, duke e drejtuar atë, do të gjobiten me 1500 euro. Madje përveç gjobës, drejtuesit të mjetit do t’i pezullohet patenta për 1 muaj.
Kjo masë do të vlejë edhe për shoferët e taksive, autobusëve dhe automjeteve tjera publike.
Gjithashtu, sipas rregulloreve të reja, që kanë nisur të aplikohen në Greqi, nëse në automjetin publik ka ndonjë fëmijë nën moshën 12-vjeçare, atëherë gjoba do të jetë deri në 3000 euro.
Ndërsa shoferët me automjetet personale (private) që pinë cigare gjatë drejtimit dhe në automjetin e tyre bashkë me ta është një fëmijë nën moshën 12-vjeçare, do të gjobiten me 1500 euro po ashtu si dhe do t’iu merret patenta e shoferit.
Shoferët, po ashtu, do të gjobiten nëse bashkudhëtari i tyre konsumon produktet e cigares.
