Edhe pse i shpallur në kërkim nga policia, numri dy i Partisë Socialiste në Durrës Arben Isaku po feston i lirë ditën e sotme festën e Kurban Bajramit.
Totalisht neglizhent ndaj lajmeve të publikuara këto dy ditë nga të gjitha mediat kombëtare, Isaku ka bërë edhe një postim në rrjetet sociale ku ka uruar të gjithë shqiptarët në lidhje me festën e ditës së sotme.
“Gëzuar Kurban Bajramin të gjithëve. Sa më shumë harmoni dhe dashuri në zemrat tuaja gjithmonë. Zoti ju dhëntë shëndet dhe paçim sa më pak kurbanë të pafajshëm,”– shkruan Isaku në një statusin e tij.
Arben Isaku, u shpall në kërkim nga policia një ditë më parë pas aksionit “Plazh i lirë” në Durrës.
Isaku akuzohet se në bashkëpunim ka dhënë leje legalizimi për për një sipërfaqe 123 metra katror dhe truall 500 metra katror në zonën e plazhit.
Arben Isaku njihet si numri dy i Partisë Socialiste në Durrës pasi është sekretar i Përgjithshëm i degës së PS-së në Durrës. Gjithashtu Isaku është kryetar aktuali i grupit të këshilltarëve socialistë në bashkinë e Durrës që drejtohet nga Valbona Sako.
LEXO EDHE:
*U shpall në kërkim, reagon zv/drejtori i Kadastrës: Jam me pushime…
*I shpallur në kërkim/ Zv.Drejtori i Kadastrës është drejtues i PS-së në Durrës dhe …
