Kryeministri Edi Rama dita ditës publikon në rrjet video nga aksioni i policisë për cclirimin e plazheve dhe luftën ndaj informalitetit.
Së fundmi Rama ka publikuar një video mbi atë që e quan cclirimin e Krorëzas, simotrës së mrekullueshme të Gjipesë, ku njësoj si në Gjipe, kishte rënë flama e zaptimit zhvirgjërues të plazhit mahnitës e të natyrës magjike, që të kujton filmin e Uliksit.
“Por nga sot, edhe Gjiri i Krorëzës u çlirua dhe paqja mijëravjeçare u rikthye në atë plazh, që i përket perlave të Kurorës Mesdhetare”, shkruan Rama.
Në postimin e Kreut të Qeverisë kanë komentuar shumë ndjekës një pjesë e të cilëve, për shkak të kritikave ose mosbesimit, kanë marrë edhe përgjigjet nga Edi Rama.
“Shih shih shih Loni, e paske zbuluar ccfarë tregon përpjekja shtetbërëse dhe i vure vulën e dështimit qeverisjes së deritanishme eee😁 Eh mor Loni, s’ke faj, se këto gjashtë vjet kemi ndenjur duarkryq e s’jemi marrë me asnjë punë, prandaj tani po bëjmë reklama që të mençurit si ti i kapin në ajer🙃
Nejse, shyqyr që ata që i bien kaq shkurt si puna jote, janë e do të jenë pakicë në këtë vend, ndërsa shumica e kupton shumë mirë se përpjekja ime është e sinqertë, e mundimshme dhe e vendosur! Bilancet pastaj i bëjmë kur të vijë dita e gjykimit, në qershor 2021”, shkruan Rama.
