Kreu demokrat, Lulzim Basha, tha se opozita është e gatshme që zgjedhjet parlamentare dhe ato lokale të zhvillohen në të njëjtën ditë, nëse plotësohen kushtet: largimi i Edi Ramës dhe krijimi i një qeverie tranzitore.
Basha tha se opozita është më e bashkuar se kurrë, pavarësisht milionave që po hidhen këto muaj për të krijuar idenë e përçarjes së saj.
Duke vlerësuar rolin e Presidentit të Republikës dhe përpjekjet e tij për zgjidhjen e krizës, Basha tha se nuk do të ketë dialog me Edi Ramën.
Kreu demokrat foli për mercenarë politikë dhe mediatikë që po financon Rama kundër opozitës dhe Lulzim Bashës, me synimin e përçarjes së opozitës.
“Vizita ndërkombëtarësh do të ketë shumë, jo vetëm në shtator, por edhe në gusht. Marrja e bashkive me dhunë, siç po ndodh tani, është një precedent i rrezikshëm.
Opozita do të vazhdojë protestat”, paralajmëroi Basha.
