Dy ditë më parë, Rai 3 transmetoi një dokumentar mbi mafian shqiptare, trafikun e drogës dhe fuqizimin e grupeve kriminale shqiptare, që sipas prokurorëve të antimafies italiane janë të paprekshëm në Shqipëri dhe kanë mbështetjen e qeverisë. Në dokumentar u argumentua se 1/3 e territorit të Shqipërisë ishte mbjellë me kanabis.
Lidhur me dokumentarin ka reaguar zv.ministrja e Brendshme Rovena Voda, sipas të cilës kjo nuk është fytyra e vërtetë e Policisë së Shtetit dhe se që prej vitit 2017 vendi ka bërë një progres të ndjeshëm më luftën kundër kanabisit në vend.
Zv ministrja ka shtuar se këto lajme janë të pambështetura në statistika zyrtare të shtetit shqiptar, dhe as në ato të vendeve partnere.
Voda ka deklaruar më tej se mbi Shqipërinë po hidhet baltë e pamerituar duke theksuar se klanet mafioze shqiptare nuk mund të krahasohen me nivelin e trafikut në portet spanjolle, britanike apo turke.
Deklaratat e zëvendës ministres u bënë gjatë inagurimit të zyres së re të Aleat në Vlore, për aplikimin e mjeteve të identifikimit.
