“Jo komunizmit, krimit, korrupsionit, votimeve moniste, jo 6%!”. Thirrja është bërë në rrjet nga kryebashkiaku demokrat i Kamzës, Xhella Mziu, i cili i ka kërkuar mbështetësve demokratë që të bashkohen para godinës së Bashkisë.
Sot në mesditë Rakip Suli, kandidati i Rilindjes për kryebashkiak të Kamzës, pritet të betohet para Këshillit Bashkiak, dhe më pas të marrë detyrën. Betimi i Sulit do të bëhet në Tiranë, në godinën e Prefekturës, duke shmangur kështu një përplasje.
Por, Mziu ka ftuar qytetarët që të bashkohen përpara godinës së Bashkisë mesditën e sotme, duke përsëritur në këtë mënyrë rezistencën sikundër ka ndodhur në disa bashki.
Nuk dihet se sa orë do të mund të qëndrojnë demokratët para bashkisë, apo se kur mund të tentojë Rakip Suli të marrë zyrtarisht zyrën e kryebashkiakut.
