Policia e Tiranës, ka arrestuar ditën e stome një drejtues mjeti, i cili në gjendje të dehur është përplasur me një bordurë në rrugë.
Sipas policisë 21 vjeçari A.A, ka qenë në gjendje të dehur kur është përplasur me një nga bordurat në rrethrrotullimin ‘Shqiponja’, ku ka mbetur i dëmtuar.
Pas ngjarjes 21-vjeçari është dërguar në spital për ndihmë mjekësorë, dhe më pas drejt e në komisariat.
Ja njoftimi i policisë:
Nga Seksioni OPGJ-ve në Komisariatin Rajonal të Policisë Rrugore Tiranë u bë arrestimi i shtetasit A. A., 21 vjeç, banues në Tiranë.
Arrestimi i tij u bë më datë 07.08.2019, rreth orës 03:30 pasi , duke drejtuar mjetin tip “Mercedes Benz ” nën efektin e alkolit, për pasojë është pêrplasur me nje nga bordurat e rrugës në afërsi të rrethrrotullimit të sheshit “Shqiponja” i cili u dëmtua jashtë rrezikut për jetën ku dhe mori mjekim në spital.
Materialet në ngarkim të tij u referuan pranë Prokurorisë së Gjykatës Shkallës Parë Tiranë për veprën penale “Drejtimi i mjeteve në gjëndje të dehur apo pa dëshmi”
