Një në dhjetë të burgosur të huaj në Britaninë e Madhe është shqiptar, pasi ata morën përsipër tregtinë e kokainës.
Bandat nga shteti i Ballkanit Perëndimor kanë kapërcyer polakët, si jo-britanikët, në burgjet e Britanisë së Madhe.
Sot ata përbëjnë 876 nga 9.089 të burgosurit e huaj, bëri të ditur Ministria e Drejtësisë.
Numri i shqiptarëve pas hekurave është pothuajse dyfishuar në vetëm katër vjet, nga 475 të regjistruar në qershor 2015. Një dekadë më parë shifra ishte vetëm 166.
Një raport i Ministrisë së Drejtësisë zbuloi: “Nacionalitetet më të zakonshme pas britanikëve, në burgje janë shqiptare (10 përqind e popullsisë së burgjeve), polakë (8 përqind), Rumune (8 përqind), irlandeze (8 përqind) dhe Jamaican (5 përqind).
“Kjo vjen pasi kartele shumë të organizuara dhe të pamëshirshme shqiptare që u futën në tregjet fitimprurëse të drogës në Britani. Ata jo vetëm që kontrollojnë marrëdhëniet në rrugë, por edhe importimin e dërgesave nga e gjithë bota, shkruan The Sun.
Agjencia Kombëtare e Krimit ka paralajmëruar se “grupet shqiptare të krimit kanë krijuar një ndikim të profilit të lartë brenda krimit të organizuar në Mbretërinë e Bashkuar, dhe kanë një kontroll të konsiderueshëm në të gjithë tregun e trafikut të drogës në Mbretërinë e Bashkuar, veçanërisht kokainës. Ata gjithashtu po zgjerojnë ndikimin e tyre në rrjedhën e sipërme”.
“Kërcënimi me të cilin përballen grupet shqiptare të krimit është i rëndësishëm. Londra është qendra kryesore e tyre, por ato janë vendosur në të gjithë Mbretërinë e Bashkuar.”, shkruan The Sun, referuar raportit.
Vetëm muajin e kaluar, një bandë e krimit të organizuar u burgos për shitjen e sasive të mëdha të kokainës, pasi policia gjeti më shumë se një kilogram të drogës së Klasit A dhe 20000 paund.
“NCA kombinon mbledhjen e inteligjencës dhe aktivitetin operacional për të arritur grupet e organizuara të krimit, për të cilët droga është vetëm një burim i të ardhurave dhe që përdorin fitimet për të mbështetur forma të tjera të krimit.
Kjo përfshin trafikimin e njerëzve, trafikimin e armëve të zjarrit, korrupsionin dhe pastrimin e parave, të gjitha këto shkaktojnë dëme, dhunë dhe shfrytëzim”, thekson raporti.
