Danilo do të jetë përforcimi i radhës i Juventusit. Mbrojtësi brazilian ka mbërritur në Torino, para se të kompletojë transferimin te kampionët e Italisë.
Danilo do të jetë pjesë e marrëveshjes mes Manchester Cityt dhe Juventusit, që dërgon Joao Cancelon në “Etihad Stadium”.
28-vjeçari që në karrierën e tij ka veshur edhe fanellën e Real Madridit, te Manchester City ka qëndruar dy sezone, duke regjistruar vetëm 34 paraqitje.
