Policia e Durrësit ka arrestuar në flagrancë një 19-vjeçar që qarkullonte me një pistoletë me silenciator.
Në pranga është vënë shtetasi S. Xh., 19 vjeç, banues në Shkodër.
Në afërsi të Shkëmbit të Kavajës, gjatë kontrollit fizik këtij shtetasi iu gjet dhe iu sekuestrua një pistoletë me silenciator dhe një krehër me 5 fishekë.
Njoftimi i Policisë:
Durrës
Evidentohet dhe goditet një tjetër rast i armëmbajtjes pa leje.
Arrestohet në flagrancë 19 – vjeçari që qarkullonte më pistoletë me silenciator.
Në vijim të punës për parandalimin dhe goditjen e paligjshmërisë si dhe në zbatim të planit të masave për kapjen e personave që qarkullojnë me armë zjarri, nga Shërbimet e Stacionit të Policisë Plazh dhe Shërbimet e Komisariatit të Policisë Durrës, është arrestuar në flagrancë shtetasi:
-S. Xh., 19 vjeç, banues në Shkodër.
Ky shtetas është kapur nga Shërbimet e Stacionit të Policisë Plazh dhe Komisariatit të Policisë Durrës, në afërsi të Shkëmbit të Kavajës dhe gjatë kontrollit fizik iu gjet dhe iu sekuestrua një pistoletë me silenciator dhe një krehër me 5 fishekë.
Materialet hetimore i kaluan Prokurorisë pranë Gjykatës së Shkallës së parë Durrës në ngarkim të shtetasit të mësipërm, për veprën penale “Prodhimi dhe mbajtja pa leje e armëve luftarake dhe municionit”.
