Një ngjarje e rëndë është regjistruar në Londër. Një 6-vjeçar ka rënë nga kati i 10-të i galerisë moderne, Tate Modern dhe një adoleshent është arrestuar si i dyshuar për shtyrjen e tij.
6-vjeçari u dërgua me helikopter në spital dhe sipas mjekëve, ndodhet në gjendje kritike për jetën.
Pas ngjarjes, Tate Modern, muzeu i famshëm i artit bashkëkohor, i gjendur në brigjet e lumit Tamiz, fillimisht u mbyll, por më pas, vizitorët u lejuan të dilnin prej tij.
Policia tha se i dyshuari kishte qëndruar me njerëzit e tjerë në katin e 10 të platformës së vrojtimit dhe nuk kishte asnjë provë që mund të dëshmonte lidhje apo njohje me viktimën.
