Ish ministri i brendshëm Dritan Demiraj ka reaguar lidhur me Air Albania, për të cilën Kryeministri Edi Rama po bën reklamë prej disa ditësh.
Demiraj shkruan se avioni me emrin Sajmir do të bëjë linjën direkte Tiranë-Bogota, duke ironizuar kështu lidhjet mes kanabizimit të vendit dhe krahasimeve të Shqipërisë me Kolumbinë.
Postimi i plotë:
Të nderuar miq!
Me gëzim të madh ndoqa lajmin se Air Albania fillon fluturimet në Vjeshte me emrin Migjeni por edhe se avionet e linjave të tjera do të kenë emrat e Rilindasve të vërtetë të Shqipërisë si Naimi, etj.
Natyrshëm më lindi një pyetje:
Meqenëse jemi në pritje të ftesës nga BE në datat 18-19 tetor dhe tashmë që Rilindasit e sotëm deklarojnë se i kanë plotësuar të gjitha kërkesat e BE-së kur do fillojnë fluturimet me avionët:
Sajmiri në linjën direkte Tiranë- Bogota?
Taulanti në linjën direkte Tiranë-Karakas?
Kryerilindasi në linjën më të rëndësishme direkte Tiranë-Moskë?
Rroftë Rilindja, pasi pas ardhjes së tyre në pushtet në vitin 2013 u hapi sytë Shqiptarëve që të “integrohen” dhe të marrin eksperiencë nga “demokracitë” e vendeve më demokratike në botë dhe duke e shpërndarë atë me shumë sukses në të gjithë Europën.
