E habitshme ka qenë edhe deklarata aspak e zakontë e kryebashkiakut Veliaj, i cili në përgjigje të Presidentit Meta lidhur me legjitimitetin e zgjedhjeve të 13 tetorit, ka reaguar sërish me ironi.
Duke dalë krejtësisht jashtë tematikës e duke u fshehur gjithnjë e më shumë pas propagandës ‘copy-paste’ me liderët e huaj të cilët i imiton deri në palcë, Veliaj pranon datën 13 tetor si datë zgjedhjedh edhe pse refuzon të marrë pjesë në to. Alibia e rradhës? Ditëlindja e djalit dhe Maratona e Tiranës, në të cilën si çdo vit vrapojnë vetëm socilaistët ose punonjësit e Bashkisë.
Veliaj shkruan se më 13 tetor do ketë zgjedhje, por sipas tij, për maratonën që do të organizojë në Tiranë. “Në 13 Tetor ka zgjedhje, dhe nuk janë imagjinarët e politikës së vjetër. 😉 Mund të rrish në shtëpi, ose të marrësh pjesë në Maratona e Tiranës 2019 – ku mund të zgjedhësh sërisht mes disa garave të ndryshme! Unë do tentoj 21km këtë mandat”, shkruan Veliaj.
Një ditë më parë, Presidenti Meta apeloi ndaj mazhorancës dhe Edi Ramës që të reflektojnë, ndërsa paralajmëroi se nëse zgjedhjet lokale nuk mbahen më 13 tetor, në datën 18 tetor, Shqipëria do të marrë përgjigje negative për hapjen e negociatave me BE.
