Ka humbur jetën në repartin e djegieplastikës Alma Pirra, pronarja e argjendarisë në zonën e ish-Bllokut në Tiranë, ku para disa ditësh pati një shpërthim.
Shpërthimi në argjendari ndodhi më 15 korrik, ku si pasojë mbetën të plagosur 4 persona.
Dy prej të lënduarëve ishin çifti i bashkëshortëve, Alma dhe Sokol Pirra, pronarë të argjendarisë ku ndodhi ngjarja.
I plagosuri i tretë është shtetasi Ardanoel Serani, 23-vjeç, kalimtar i rastësishëm në zonë dhe Eneda Nura, 18 vjeç, punonjëse e argjendarisë.
23-vjeçari Serani morri lëndime të lehta dhe pasi i është ofruar ndihma e parë, u largua nga ambientet e spitalit. Ndërsa, 18-vjeçarja morri plagë të rënda dhe qëndroi nën kujdesin e mjekëve.
