Nikoll Lesi, botues i Koha Jonë, publikoi një foto ku shfaqej me Andi Bushatin, Andi Bejten dhe Ylli Rakipin duke ngrënë drekë.
Foto u shoqërua me reagime të ndryshme, ndërsa Lesi shkruante: “me Andi Bejtjen (majtas), Andi Bushatin dhe Ylli Rakipin. Seç po kurdis një plan kundër kryeministrit, ky Bushati!.
Interpretimet mbi foton e publikuar nga Lesi duket se kanë detyruar dy nga analistët, pjesëmarrës në drekën apo darkën me Nikoll Lesin të reagojnë.
Andi Bejtja shprehet se Nikoll Lesi është një fake neës dhe se fotoja e publikuar është e shumë viteve më parë.
“Nikolle Lesi fake news. Nikolle Lesi ka botuar një fake news sikur unë, ai Andi Bushati dhe Ylli Rakipi, po drekojmë që në 11 të mëngjesit, sipas tij duke thurur plane për përmbysjen e Qeverisë….Kuptohet që foto është e shumë kohëve më parë…Unë jam në zyrë pandashëm nga Nënë Tereza, duke u lutur bashke me të mos na kapë tërmeti në zyrë a ne shpi, po o në det o në rrugë…”, u shpreh Bejtja.
Ndërkohë, Andi Bushati shprehet: “Hedh Nikollë Lesi një gur në lume dhe s’mbetet media një burimshe pa e marrë si te vërtetë…hajde mos i jep të drejtë “viktimës se këtij komploti” për paketën “antishpifje””.
