Ish-zyrtari të cilit iu sekuestruan 1.5 mln euro llogari bankare të dyshuara se janë përfituar nga burime të paligjshme është Ferdinand Shehu.
Ai ka mbajtur postin e drejtuesit të ALUIZNI-t Tiranë dhe u shkarkua nga detyra nga Shaban Memia, që drejtonte ALUIZNI-n, në vitin 2011 me motivacionin e mungesës së integritetit moral.
Në periudhën 2006-2010 ai mbajti postin si zv.drejtor i Përgjithshëm pranë Agjencisë së Legalizimit, Urbanizimit dhe Integrimit të Zonave/Ndërtimeve Informale.
Ai u shkarkua edhe nga ALUZINI me motivacionin se kishte fshehur të shkuarën e tij si “hetues” në kohën e diktaturës.
Në postin e fundit publik që ka mbajtur, Ferdinand Shehu ka qenë pjesë e këshillit Bashkiak të Tiranës. Ai është zgjedhur si anëtar i Këshillit Bashkiak në zgjedhjet e vitit 2015 dhe ka fituar mandatin nga Lëvizja për Zhvillim Kombëtar e Dashamir Shehit.
Sekuestrohen 1.5 mln euro nga llogaritë bankare të ish-zyrtarit / Detajet
