Gazetari i njohur Agim Xhafka, me ironi i drejtohet kryeministrit Edi Rama se ka marrë huqet e tij, pasi vazhdimisht përmend emrin e ish-kryeminstrit.
Në postimin e tij në facebook, Xhafka, tregon se si edhe sot shqiptarët vijojnë të lëvizin të lirë falë qeverisë së shkuar, por dhe të lëvizin brenda vendit më shpejt se më parë, dhe kjo falë punës që bëri qeveria e Sali Berishës.
Ja postimi i Xhafkës:
U bëra si Rama. Nuk më hiqet nga goja Sali Berisha. Erdha dje nga Ohri dhe në kufi mjaftoi veç karta e identitetit. Kaq dhe rruga e mbarë më tha maqedonasi.Bravo,Sali që na e mundesove ,thashë.
Para dy javësh shkova në Selanik dhe sa tregova pasaportën në Kapshticë më tha polici grek,go,Gimo,go! Eh,Sali na kënaqe me heqjen e vizave,fola.
Të hënë e mata kot kohën nga Elbasani deri në Tiranë. Plot 18 minuta,më afër se Kombinat-Kinostudio. Bravo Sali,më doli nga zemra. Kështu dhe kur shkoj në Vlorë,Tepelenë…Apo kur mbérrij në Prishtinë e uroj Saliun familjarisht.
Po ngjaj si Edi Rama. Nuk më shqitet që nuk më shqitet Saliu nga goja. Mbeta duke e pérmendur e pérmendur emrin e tij. Eh,mor Edvin ç’më bëre! Mora krejt huqet e tua…
