Kreu demokrat, Lulzim Basha, ka publikuar në rrjet një video të kryeministrit Edi Rama, ku ai shfaqet duke mbrojtur ish-Kryebashkiakun e Durrësit, Vangjush Dako.
Ky i fundit një ditë më parë u shpall nga DASH, si pjesë e listës së zezë, duke iu ndaluar hyrja në SHBA, jo vetëm atij, por edhe familjarëve.
Sipas njoftimit zyrtar të DASH, ndaj Dakos kishte të dhëna të besueshme për korrupsion masiv.
“Pa ndëshkimin e Dakos dhe politikanëve që vodhën zgjedhjet në bashkëpunim me krimin e organizuar, nuk do të ketë demokraci dhe as drejtësi!#ShqipëriaSiEuropa”, shkruan Basha në rrjet, duke publikuar videon e mëposhtme.
