Kryetari i ri i Bashkisë së Kavajës, i dalë nga votimet e 30 qershorit, Redjan Krali, ka shkuar sot në zyrën e tij në bashki, në ditën e parë të punës.
Ai është paraqitur në zyrë rreth orës 07:45, ndërsa ambientet e bashkisë vijojnë të ruhen nga policia.
Ndërkohë, në bashki janë paraqitur edhe disa punonjës si kundërshti për mënyrën e zgjedhjes dhe marrjes së detyrës nga kryebashkiaku i ri.
Kujtojmë, se ai e hapi me force ditën e djeshme derën e bashkisë, pasi ishte larguar kryebashkiaku i djathtë, Isa Sakja dhe ndërrovi bravën e derës.
