Nëndetësja e Luftës së Dytë Botërore, USS Grunion, është zbuluar 77 vjet pasi ishte zhdukur nga ishujt e largët Aleutian në Alaska, gjatw patrullës sw saj të parë nw luftë.
Nëndetësja e klasës Gato (SS 216) u dërgua në ishuj në qershor 1942, sipas Projektit të Humbur 52, i cili lokalizon nëndetëse të humbura nga Lufta e Dytë Botërore në SHBA.
Duke vepruar jashtë ishullit të Kiska me një ekuipazh prej 70 marinarësh, Grunion shkatërroi dy anije patrullimi japoneze para se të kthehej në bazën Harbour Hollandez në ishullin Amaknak më 30 korrik. Por, nëndetësja nuk u dëgjua kurrë më.
USS Grunion u supozua se humbi përgjithmonë më 5 tetor 1942.
Pothuajse 80 vjet më vonë, nëndetësja u zbulua në thellësi 2,713 metra afër Kiska nga dronët nënujorë dhe imazhet e sofistikuara të fotogometrisë.
Zbulimi kompleton një pjesë tjetër në enigmën e fatit të Grunion. Pjesa kryesore e mbetjeve të nëndetëses u gjetën në gusht 2007, falë përpjekjeve të John, Bruce dhe Brad Abele, djemtë e kapitenit të USS Grunion, Mannert Abele. Rrënoja u verifikua nga Marina e SHBA-së në tetor 2008.
