Redi Krali, kryebashkiaku i Rilindjes për Kavajën, po tenton të hyjë në zyrën e Kryetarit të Bashkisë, me të njëjtën metodë sikundër u veprua në Devoll.
Dera e godinës së bashkisë po tentohet të hapet nga policia, ndërsa dera e institucionit u mbyll pas orarit zyrtar, nga administrate e këtij institucioni.
Në orët e paradites, Krali i betua në ambientet e Prefekturës, ndërsa prania e shumtë e qytetarëve të Kavajës me thirrjet “Poshtë diktatura” dhe “Rama ik”, detyruan Kralin, ministren Elisa Spiropali, Prefekten e Tiranës, si dhe forcat policore që të tërhiqeshin.
Pas përfundimit të orarit zyrtar, Krali, i shoqëruar nga zyrtarë të Rilindjes ka shkuar për të hyrë në institucion, duke hapur dyert në të njëjtën mënyrë sikundër u veprua në Devoll dhe më pas do të udhëzohet edhe ndryshimi i bravave të dyerve.
