Kam rënë në dashuri me Bashkinë dhe Edi Rama e di këtë, pasi ai e ka provuar vetë këtë, duke rënë në dashuri dhe duke shërbyer me dashuri dhe përkushtim.
Kështu u shpreh Kryebashkiaku Erjon Veliaj në fjaën e mbajtur para Këshillit Bashkiak, duke e cilësuar si sfidë të bërë nga kryeministri, komunikimet dhe takimet e këshilltarëve me qytetarët e Tiranës.
“Jam pafundësisht mirënjohës skuadrës sime në Bashkinë e Tiranës, një skuadër që punon me shumë përkushtim dhe arritja më e madhe është njerëzillëku, këtij qyteti i kemi kthyer fytyrën njerëzore”, tha Veliaj.
Ai u shpreh se mezi pret që të fillojë punën, me 17 shkollat e reja dhe realizimin e projekteve në Tiranë, për t’a zhvilluar sa më shumë rajonin tonë.
“Jam shumë entuziast që Toni Gogu, kryetari ynë i Këshillit, është një katunar nga Peza, që do na sjelli lajmet nga fshati”, tha ai.
Sipas tij, në raport me fshatin, në këtë mandat nuk do të merremi vetëm me gjelat e Baldushkut, por edhe me tregun e ri, që do të ndërtohet, duke konkuruar tregun privat.
