Policia e Gjirokastrës njoftoi mëngjesin e sotëm se kishte arrestuar një të ri nga Memaliaj, i cili po transportonte 6 klandestinë drejt Shkodrës.
Media publikoi video dhe foto të klandestinëve, që trajtohen në mënyrë skandaloze.
Nga pamjet klandestinët shfaqen të shtrirë në oborrin e komisariatit të policisë, me kushte skandaloze.
T’i lesh të shtrirë përtokë mes temperaturave të larta, për ne është një turp i përbashkët. Kush më mirë sesa ne shqiptarët e kupton emigrimin. Kemi rreth 30 vite që vazhdojmë emigrojmë. Atë trajtim që nuk e meritonim sa herë zbarkonim në token greke, në Itali, në Francë, Gjermani apo gjetkë, natyrisht që nuk e meritojnë as klandestinët që shkelin tek ne për pak kohë, raporton Faxnews.
