Pasditen e sotme, një furgon pasagjerësh ka marrë flakë duke shkaktuar panik në qytetin e Kavajës.
Ngjarja ka ndodhur pranë Drejtorisë së Ujësjellësit, pak metra nga stacioni i qëndrimit të furgonave.
Gjatë momentit të marrjes së flakëve në mjet ndodhej vetëm drejtuesi i tij, ndërsa pasagjerët që ai transportonte sapo kishin zbritur prej tij.
Sipas informacioneve nga vendngjarja furgoni ishte ne ecja gjatë momentit të marrjes së flakëve dhe dyshohet se një problem në motor ka qenë edhe shkaku kryesor i zjarrit nga i cili mjeti u shkrumbua.
Mjeti i djegur i përkiste një qytetari nga Kavaja dhe bënte çdo ditë linjën e transportit të pasagjerëve Kavajë-Durrës.
