Ambasadori i BE-së në vendin tonë Luigi Soreca ka deklaruar se Teatri Kombëtar tashmë është çështje delikate dhe politizuar.
“Ashtu siç e dini pozicioni për këtë çështje ka qenë i qartë prej muajsh. Kjo është një çështje shumë e rëndësishme. Teatri Kombëtar tashmë është çështje delikate dhe politizuar. BE i ka bërë thirrje qeverisë që tenderimi të jetë i rregullt. Nuk mund të themi asgjë, është çështje e autoriteteve.
Mendoj se është shumë e rëndësishme që të ketë kritere të qarta edhe transparente, edhe të ketë një qasje të drejtë per këtë çështje”, u shpreh Soreca.
Kujtojmë se disa ditë më parë pati përplasje mes policisë, aktorëve dhe qytetarëve tek Teatri Kombëtar. Pasi policia rrethoi godinën për të bërë zbrazjen e saj, Basha dhe përfaqësues të PD shkuan në ndihmë të tyre. Basha ka nënshkruar me artistët një marrëveshje ku theksohet se Teatri Kombëtar do të shpallet monument kulture. Nga ana tjetër Rama dhe Veliaj shfaqen të vendosur se kjo godinë do të shembet.
