Mjeku i njohur Petrit Vargu ka zgjedhur t’i japë një mesazh Kryeministrit Edi Rama, i cili prej kohësh mundohet të përdorë deklarata apo thënie të artistëve apo figurave të njohura, për të legjitimuar projektin për shembjen e Teatrit Kombëtar dhe ndërtimin e një kompleksi kullash mes të cilave do të jetë edhe një teatër.
Vargu, referuar përdorimit që Rama i bëri emrit të Mihallaq Luarasit i sugjeron që të mos lëndojë ata që nuk i përgjigjen dot.
Gjithashtu mjeku i njohur e thotë me bindje se me aq sa e ka njohur Mihallaq Luarasin, ai kurrë nuk do të mbështeste shembjen e Teatrit dhe ndërtimin e disa pallateve, ku brenda tyre të kishte edhe një teatër.
Postimi i Petrit Vargut
Kam patur fatin te punoj me Mihallaq Luarasin,kur beja stazhin mbas gjimnazit tek administrata e shkollave.
Kam shume kujtime qe nga difidenca e fillimit ,pasi une isha bir komunisti,deri ne bisedat e pafundme që benim te dy ,duke lyer shkolla e kopshte.Por nje gje ju garantoj.
Nese do te ishte gjalle ,ai kurre nuk do te pranonte qe te shembej teatri dhe te ndertoheshin pallate ,ku brenda tyre do te ishte edhe ndonje teater.
Morali i larte dhe dashuria per artin,jam i bindur qe do ta shtynte qe te ishte i pari qe do te protestonte kundra kesaj menxyre.Mos i lendoni ata qe nuk ju pergjigjen dot zoti Rama!!!
