Një anije turistike me 6 persona në bord është përfshirë nga flakët në Karaburun.
Anija turistike e linjës Karaburun-Sazan ka marrë flakë rreth orës 04:00 të mëngjesit të sotëm, ndërsa shkaku mendohet të jetë një shkëndijë elektrike në bordin e saj.
Anija mban në bord më shumë se 100 turistë, por në momentin e rënies së zjarrit kanë qenë vetëm 6 punonjësit e kësaj anije.
Sapo kanë ndjerë zjarrin personat që kanë qenë në bordin e kësaj anije janë hedhur në det për të shpëtuar nga flakët. Ata kanë mundur të dalin me not në breg dhe nuk raportohet të kenë marrë lëndime.
