Duke e lidhur me ngjarjen kryesore të ditëve të fundit, çështjen e Teatrit Kombëtar, ku kryeministri Rama vazhdon këmbënguljen për të shembur një ndërtesë historike, gazetari Ylli Dylgjeri përmes një postimi në rrjetet sociale rikujton miratimin e Planit Rregullues të Tiranës gjatë regjimit komunist.
“Jemi në kohën kur inxhinier Spiro Koleka, i propozon Udhëheqësit Enver Hoxha për prishjen e Komitet Ekzekutiv të Tiranës dhe ndërtimin e Muzet Historik Kombëtar. Më tej kemi skulptorin Kristaq Rama që flet për Muzeun Historik Kombëtar në Galerine e Arteve”, shkruan Dylgjeri, ndërsa tregton edhe rastet e ditëve të fundit kur bijtë dhe nipërit e ish Bllokut Komunist prishën stadiumin kombëtar “Qemal Stafa” dhe janë në pritje të shembjes së godinës së Teatrit Kombëtar.
Postimi i plotë:
Foto historike e Maketit të Qëndrës së Tiranës
Miratohet Plani Rregullues i Tiranës
Në fotot shquhen Enver Hoxha, Ramiz Alia, Spiro Koleka, Beqir Balluku, Kristaq Rama e
te tjere byroiste.
Jemi në kohën kur ing Spiro Koleka, i propozon Udhëheqësit Enver Hoxha për prishjen e Komitet Ekzekutiv të Tiranës dhe ndërtimin e Muzet Historik Kombëtar.
Më tej në foto kemi skulptorin Kristaq Rama që flet per Muzeun Historik Kombëtar në Galerinë e Arteve.
Më pas në vite, do të vijnë edhe prishjet e tjera.
Stadiumi Qemal Stafa, Teatri Kombëtar dhe mbetet ende në këmbë …Pallati i Kulturës.
Shkurtimisht do te mbahet mend:
Komitetin Ekzekutiv e ekzekutoi Spiro& Kristaqi
Stadiumin Qemal Stafa Olsi & Edi
Teatrin Kombetar Edi & Lali
Pallati i Kulturës mbetet në dorë të Zahos…
