Një tragjedi ka ndodhur gjatë natës në Itali. Si pasojë e motit të keq tre persona kanë humbur jetën.
Viktimat janë një 26 vjeçare, një 72 vjeçar dhe një atlete norvegjeze.
Vendi u përfshi nga erëra të forta, shira të dendur dhe përmbytje.
Atletja norvegjeze u godit nga një vetëtimë, teksa po zhvillonte një garë malore në qytetin kufitar të Bolcanos, afër Austrisë.
Organizatorët ndërprenë eventin, pas kushteve të vështira të motit, por grupi ku e ndjera bënte pjesë, nuk ishte informuar për ndalesën.
Ndërsa, një tjetër viktimë u shënua në komunën e Fiumicinos, ku një 27-vjeçare humbi jetën, si pasojë e një aksidenti me makinën e saj.
Stuhia me erëra të fuqishme pak përpara orës 3 të mëngjesit në zonën e Fiumiçinos, bënë që automjeti i saj i vogël “Smart” të shtyhet me forcë rreth 10 metra tutje, duke dalë nga rruga dhe duke rënë në një kanal drenazhimi.
Moti i keq pritet të vazhdojë edhe gjatë pasdites së sotme.
