Mbërriti në atdhe këtë pasdite trupi i pajetë i Festim Latos, 44-vjeçarit vlonjat të vetëshpallur president i Republikës së Çamërisë, i cili u vra pak ditë më parë në Holandë.
Familjarët dhe të afërmit e pritën në Rinas për ta përcjellë në qytetin e Vlorës, ku edhe do të prehet në paqe. Ndërsa mësohet se ditën e nesërme në Teatrin “Petro Marko” do të mbahen edhe homazhe në nder të tij.
Presidenti i vetëshpallur i Republikës së Çamërisë, Festim Lato është ekzekutuar në Holandë nga persona ende të paidentifikuar. Lajmi është bërë publik nga familjarët. Lato kishte borxhe tek kompani dhe individë privatë në shumën e miliona eurove. /Dosja/
