Kryeministri i dorëhequr i Kosovës, Ramush Haradinaj, pas mbledhjes së Qeverisë të cilën e rrëzoi vet, ka deklaruar se do të presë vendimin e Gjykatës Kushtetuese, për t’i miratuar vazhdimin e punës në këtë post.
Ndërkohë që partitë politike po kërkojnë që Presidenti Hashim Thaçi të caktojë datën e zgjedhjeve të reja, Ambasada Amerikane në Kosovë, ka bërë të ditur se po e vëzhgon me vëmendje këtë situatë.
Ambasadori amerikan Phillip Kosnett, në një reagim të publikuar në Twitter, ka thënë se nga ajo se si do të trajtohet kjo çështje, do të tregohet forca e institucioneve të Kosovës dhe gatishmëria e zyrtarëve për t’iu përmbajtur Kushtetutës dhe ligjeve.
“Duke vëzhguar me vëmendje se si Kosova ballafaqohet për herë të parë me dorëheqjen e një kryeministri. Si do të trajtohet kjo çështje, do të tregojë forcën e institucioneve të Kosovës dhe gatishmërinë e zyrtarëve për t’iu përmbajtur Kushtetutës dhe ligjeve”, shkruan Philip Kosnett.