“Të burgosurit duhet të mbahen të sigurtë, ndërsa ne duhet të marrim masa që ata të mos drejtojnë operacionet e tyre të krimit të organizuar nga prapa hekurave”.
Kështu deklaroi Ambasadori i Britanisë së Madhe në Tiranë, Duncan Norman, duke folur në prezantimin e masterplanit për zhvillimin e sistemit të burgjeve.
Duke folur për përmirësimin dhe shtimin e kushteve të sigurisë, diplomati britanik bëri deklaratën e fortë kur tha se gangsterët nuk duhet të lejohen të japin komanda për ushtarët e tyre.
“Kur menaxhohen me saktësi, burgjet mund të bëjnë më shumë sesa thjesht të na mbrojnë nga kriminelët, pasi me burgosjen e tyre duhet të prishet dhe veprimtaria kriminale e grupit.
Personi është faktor kryesor në luftën kundër krimit të organizuar, një pikë që shpesh anashkalohet”, u shpreh Ambasadori britanik.
