Një ngjarje e rëndë ka ndodhur në Itali pasi është vrarë me thikë një 18-vjeçar shqiptar. Mediet italiane raportojnë se viktima është Ermal Halili , 18-vjeç, i cili është vrarë nga një tjetër shqiptar. Autori i ngjarjes është një 17-vjeçar, shok me viktimën.
Ngjarja e rëndë ndodhi në San Domenico, në Udine të Italisë, jashtë ambienteve një qendre pritjeje. Shkak për ngjarjen e rëndë dyshohet se u bë një zënkë e lindur mes disa të rinjve gjatë një ndeshjeje futbolli, në një kamp sportiv të zonës.
Një ditë më pas, autori i dyshuar i ngjarjes së rëndë i kishte kërkuar 18-vjeçarit që t’i kërkonte falje. Por Ermali nuk kishte pranuar. Kështu agravoi sherri derisa humbi jetën 18-vjeçari.
