Strukturat doganore të Degës Doganore Morinë/Kukës në bashkëpunim me Doganën Kosovare, kanë sekuestruar sot një sasi prej 54 kg 963.24 gr lëndë narkotike e tipit: 25 kg e 411.86 gr marijuanë “çokollatë” dhe 29 kg 521.38 gr marijuanë.
Gjatë kontrollit të përbashkët u përzgjodh për skanim nje automjet te tipit Opel Meriva, drejtuar nga shtetasi me iniciale A.K., i cili u ndalua.
Gjatë procedurës së skanimit nga ana e doganierëve të Degës Doganore Morinë dhe punonjësve të skanerit është vërenjtur dhe markuar si pjesë e dyshuar, dysheme e mjetit, ku më pas është dërguar për kontroll në vijë të dytë në Doganën Kosovare, duke mundësuar kontroll të detajuar, të përbashkët, me Degën Doganore Morinë.
Për veprime hetime të mëtejshme ky rast po ndiqet nga Policia Kosovare.
