Policia arrestoi drejtuesin e një mjeti pas një aksidenti me pasojë vdekjen e një qytetari.
Aksidenti ka ndodhur në datën 22.05.2019, në qytetin e Ballshit, ku shtetasi Genti Meçani duke drejtuar automjetin tip “Benz” ka aksidentuar me pasojë vdekjen shtetasin I.M, dhe menjëherë është larguar nga vendi i ngjarjes.
Specialistët e Sektorit të Qarkullimit Rrugor në Drejtorinë Vendore të Policisë Fier, bënë ndalimin e shtetasit të shpallur në kërkim:
G.M, 27 vjeç, banues në Ballsh.
Gjykata e Shkallës së Parë Fier ka vendosur masën “Arrest në burg” për shtetasin G.M për veprat penale “Shkelje e rregullave të qarkullimit rrugor”, “Drejtimi i mjetit në mënyrë të parregullt” dhe ” Largim nga vendi i aksidentit”.
