Një përplasje është regjistruar sot te Teatri Kombëtar, atje ku artistë të njohur dhe pjesëtarë të shoqërisë civile, bashkë me qytetarë, protestojnë dhe mbrojnë godinën nga plan ii qeverisë për t’a shembur.
Mëngjesin e sotëm 3 polici, ajo bashkiake, policia e rendit, si dhe një polici private, u angazhuan kundër artistëve.
Madje në një moment, një prej policëve të rendit, ka shtyrë me duar Edmond Budinën, një prej aktorëve dhe regjisorëve të njohur të skenës shqiptare.
Mbi 50 forca policore, si dhe mjaft civilë, kanë larguar artistët nga perimetri i Teatrit, madje e kanë rrethuar atë, duke moslejuar kalimin e këmbësorëve.
Një ditë më parë, artistët njoftuan mbi ndërhyrjen e policisë dhe kërkuan mbështetjen e qytetarëve.
