Një rrjet i trafikut të drogës nga Shqipëria drejt Italisë është shkatërruar nga policia italiane.
Në prangat e policisë kanë rënë 17 persona, ndërsa janë sekuestruar dy kg kokainë, 1500 kg marjuanë dhe 100 kg hashash.
Ndërkohë që numri i personave nën hetim është 35, ku përfshihen shqiptarë dhe italianë.
Të gjithë të arrestuarit, sikundër shkruajnë mediat italiane, ishin rezidentë në Bologna, ndërsa droga transportohej nga brigjet shqiptare drejt Puglias dhe më pas transportohej në Bologna.
Sikundër raportohej, 1 kg marijuana blihej me 1000 euro, ndërsa më pas çmimi i saj dy apo tre fishohej në shitjet me doza.
Pjesëmarrësit në trafik komunikonin përmes një chat-it, i cili u çkodua nga policia, duke bërë të mundur edhe zbulimin dhe kapjen e personave të përfshirë në rrjet.
