Edmond Rudina, aktor dhe regjisor i njohur, sot ishte një nga dhjetra qytetarët që u përball me policinë në mbrojtje të Teatrit Kombëtar. Madje Budina u tërhoq nga policë, që nuk e lejuan të futet në godinën e Teatrit, çka solli reagime të shumta.
Vetë Budina tha se një moment të tillë kundër artistëve nuk e përdorën as sampistët e repartit 326 në vitet 1990, kur nisi lëvizja për liri dhe demokraci.
Në fakt Edmond Budina është një nga protagonistët e lëvizjes studentore, e cila i parapriu themelimit të PD-së dhe vendosjes së pluralizimit në vend.
Përveç faktit se është një nga 300 firmëtarët e parë të themelimit të PD-së, Budina ishte një nga pjesëmarrësit në takimin me ish-Presidentin e fundit komunist, Ramiz Alia. Madje në takimin me Alinë, Budina e ka pyetur lidhur me lirinë e mediave dhe nëse mund të kishin një gazetë të tyren.
Fotot e mëposhtme tregojnë disa nga momentet kur regjisori Budina ishte një nga protagonistët e lëvizjeve të 29 viteve më parë.
