Artistë dhe qytetarë janë mbledhur para godinës së Teatrit Kombëtar, ndërsa ka nisur boshatisja e tij nga punëtorët, ndërsa policia ka vendosur një perimetër sigurie duke mos lejuar artistët dhe qytetarët të afrohen.
Regjisori Robert Budina tha se ndërhyrja policore ka ndodhur në orën 07:00 të mëngjesit.
“Gjatë orëve të natës, në bazë të informacioneve që ne kishim, do të bëhej ndërhyrja, por siç duket u tërhoqën kur na panë të mbledhur këtu.
Dhe duket se zgjodhën orët e mëngjesit për të ndërhyrë, duke mos na lejuar të kalojmë.
Dhe na mbështeti një prej protestuesve të jelek-verdhëve në Francë, e cila u habit që shqiptarët mund të protestojnë 24 orë në 24 për të mbrojtur godinën e Teatrit.
Ne jemi të gatshëm të mbrojmë Teatrin edhe me trupat tanë, madje do e pushtojmë godinën e Teatrit, nëse do të jetë e nevojshme, për të mos lejuar shembjen e Teatrit.
Ne nuk do të përdorim kurrë dhunë, ne kemi fjalën, që do të çarmatosë edhe ata që vijnë kundër nesh me armë”, tha Budina.
