Policia e Elbasanit ka arrestuar dy persona. Një 20-vjeçar ka plagosur me thikë vëllain e tij në banesë. I dëmtuari raportohet të jetë jashtë rrezikut për jetën.
Ndërkohë një tjetër ngjarje e rëndë ndodh në Pogradec. Një 40 vjeçar, kërcënon bashkëshorten e tij me thikë.
Njoftimi
Specialistët për Hetimin e Krimit në Komisariatin e Policisë Elbasan dhe Librazhd, arrestuan në flagrancë shtetasit:
L.P., 20 vjeç, banues në Elbasan, pasi në banesë ka plagosur me mjet të mprehtë thikë vëllain e tij shtetasin Q.P., jashtë rrezikut për jetën.
A.M., 40 vjeç, banues në fshatin Proptisht, Pogradec, pasi në banesë që e kishte me qira në qytetin e Librazhdit, ka ushtruar dhunë fizike dhe ka kanosur me mjetë të mprehtë thikë bashkëshorten e tij.
Materialet hetimore i kaluan Prokurorisë pranë Gjykatës së Shkallës Parë Elbasan, për veprat penale “Dhuna në familje” dhe ” Veprimet në kundërshtim me vendimin e gjykatës” , në ngarkim të shtetasit A.M., dhe për veprën penale “Dhunë në familje”, në ngarkim të shtetasit L.P.
