Është vrarë në Hollandë mbrëmjen e djeshme Presidenti i vetëshpallur i Republikës së Çamërisë Festim Lato. Vrasja është kryer nga persona të paidentifikuar dhe është njoftuar nga Ali Aliu, i njohur si kryeministri i Republikës së Çamërisë.
KOMUNIKATA
Në Holandë nga vrasës të paidentifikuar, iu bë atentat presidentit të Republikës së Çamërisë z. Festim Lato.
Për vrasjen e Festim Latos, sot e familjen Lato në Vlorë e njoftoi Policia Holandeze. Me këtë rast Qeveria e Republikës së Çamërisë, me në krye Kryeministri Ali Aliu, është shumë e tronditur, dhe i shpreh ngushëllime Familjes Lato nga Vlora, miqëve dhe shkove të tij. Vrasja e Presidentit të Republikës së Çamërisë, z. Festim Lato është vrasje me motive politike.
Festim Lato është heroi i parë Republikës së Çamërisë. Festim Lato, dritë t u bëftë gjaku o trim! Çamëria është gjaku ynë që s´falet! Lavdi që të patëm!
Kryeministri i Republikës së Çamërisë
z. Ali Aliu
Kujtojmë se edhe në vitin 2017, u krye një sulm ndaj banesës së tij në Holandë e cila u hodh në erë.Festim Lato është personi që ka shpallur pavarësinë e Çamërisë në konfederatë me Greqinë një vit më parë, si dhe veten president të saj.
Gjithashtu, në vitin 2005 kishte shpallur edhe Ushtrinë Çlirimtare të Çamërisë, e cila në qytetin e Janinës, asokohe i kishte shpërndarë disa fletushka për çlirimin e Çamërisë nga Greqia.
