Ramush Haradinaj dha dje dorëheqjen nga post ii kryeministrit të Kosovës, pas fletë-thirrjes nga Gjykata e Hagës.
Akti i ndërmarrë nga Haradinaj është shoqëruar me reagime të shumta politike, por edhe të qytetarëve në rrjetet sociale.
Ajo që tërheq vëmendjen është fakti se në profilin zyrtar të Kryeministrit Edi Rama në rrjet janë me dhjetra reagime të ndjekësve të tij lidhur me dorëheqjen e Haradinajt dhe heshjtjen nga kreu i qeverisë së Shqipërisë.
Tradhëtar, gangster janë disa nga etiketimet që i janë vendosur Ramës, ndërsa Haradinaj quhet burrë shteti.
Edi Rama është i vetmi ndër politikanët shqiptarë që nuk reagoi dje lidhur me aktin e dorëheqjes së Haradinajt, çka është evidentuar edhe në reagimet e qytetarëve me komentet e tyre.
