Dorëheqja e Ramush Haradinajt nga posti kryeministrit të Kosovës ka zënë faqet kryesore në media por dhe në rrjetet sociale. Ky veprimi i Haradinajt ka shkaktuar një furtunë reagimesh, në Kosovë, Shqipëri, mediat ndërkombëtare, madje edhe DASH.
Vendimin e tij e kanë përshëndetur dhe kundërshtarët më të mëdhenj politik, duke thënë se ky gjest kërkon që të nxjerrë ballëlartë Kosovën.
Mirëpo i vetmi që nuk ka pasur asnjë koment për këtë dorëheqje është kryeministri shqiptar Edi Rama, Twitteri i të cilit përdoret edhe për komunikime nga më të panevojshmet.
Nuk dihet se pse Rama nuk ka një koment për një zhvillim kaq të rëndësishëm që vjen nga ‘Shqipëria e Madhe’, ndërsa nga qeveria i vetmi që ka reaguar është Pandeli Majko, ministri i diasporës.
Një përgjigje me ironi se pse Rama nuk ka reaguar e ka dhënë dhe aktivisti Genc Sejko, ose siç njihet ndryshe “njeriu i memeve”, i cili shkruan se Rama nuk e kupton fjalën dorëheqje.
“Rama nuk ka reaguar akoma për Haradinajn sepse nuk po kupton fjalën ‘dorëheqje’”, është postimi plot humor i Sejkos.
